• 89.43
  • 96.57
  • 0.97

5% азырынча так эмес сан - Панкратов сатуудан алынган салыкты жогорулатуу демилгеси тууралуу

Экономика 0

Бишкек, 06.08.18. /Кабар/. Сатуудан алынган салыкты 2 пайыздан 5 пайызга чейин жогорулатуу бүгүнкү күндө жөн гана Экономика министрлигинин сунушу. Бизнес-коомчулук менен сүйлөшүү учурунда сандар өзгөрүшү мумкүн. Бул тууралуу “Кабар” агенттигинде өткөн маалымат жыйынынын жүрүшүндө Экономика министри Олег Панкратов билдирди.

“5% саны азырынча эч нерсе тууралуу айтпайт. Бул сунуш. Мүмкүн дароо оорчулук жаратпашы үчүн сандар азаят. Андыктан так экономикалык эсептер бизнес менен биргеликте чыгарылат, андан соң консенсус табылат”, - деди ал.

Эске салсак, үстүбүздөгү жылдын 11-июлунан тарта Экономика министрлигинин сатуудан алынган салыкты 2 пайыздан 5 пайызга чейин жогорулатуу тууралуу мыйзам долбоору коомдук талкууга коюлган. Панкратовдун айтымында, анын негизги максаттуу тобу - ири соода ишканалары. Мыйзам долбоору кичи жана орто бизнес ишкерлерине тиешеси жок.

Министрдин айтымында, аталган демилге ишкерлер менен талкууланат. Атайын бул үчүн министрликтин адистери жана бизнес-ассоциациялардын өкүлдөрүнөн турган жумушчу топ түзүлөт. Эки тараптуу кызыкчылыктарды эске алуу менен мыйзам долбооруна түзөтүүлөр киргизилет. Андан соң ал Жогорку Кеңеште уктурулат. Мындан улам анын кайсы датада күчүнө кириши белгисиз.

Пикир

Оставить комментарий