Бишкек, 21.01.22. /Кабар/. Сүлүктүдө жоголгон эки өспүрүм Бишкектен табылды, - деп билдирет Баткен облустук милициясынын басма сөз кызматы.
Маалыматка ылайык, Сүлүктү шаардык милициясынын кызматкерлеринин жүргүзгөн ыкчам иш-чараларынын негизинде 2022-жылдын 16-январында жоголгон 15 жаштагы Жоламан Азимбаев жана Кылычбек Камаловдун жүргөн жери аныкталып, Бишкек шаарынан 21-январда алып келинди.
Учурда өспүрүм балдар ата-энелерине өткөрүлүп берилип, тергөө иштери жүрүп жатат.
Облустук милициядан кошумчалашкандай, табылган балдардын саламаттыгы жакшы.
Пикир
Оставить комментарий