Бишкек, 16.07.18. /Кабар/. Snow Leopard Trust эл аралык фондунун фотокапкандары Сарычат-Ээрташ коругунда ак илбирсти жана анын баласын тартып алган. Бул тууралуу 11-июлда аталган фонд Youtube`дагы расмий баракчасына жарыялаган.
Маалымат үчүн: Сарычат-Ээрташ мамлекеттик жаратылыш коругу – Кыргызстандын өзгөчө корголгон жаратылыш аймагы. Ал 1995-жылы негизделип, Ысык-Көл облусунда жайгашкан. Корук КРнын Өкмөтүнүн 1995-жылдын 10-мартындагы №76 токтомунун негизинде уникалдуу жаратылыш комплекстерин, жаныбарлардын жана өсүмдүктөрдүн жоголуп бараткан сейрек кездешүүчү түрлөрүн сактап калуу максатында түзүлгөн.
Пикир
Оставить комментарий