Бишкек, 23.09.20 /Кабар/. Бишкек шаарынын мэриясынын шаардык чарба департаментинин директору Касымов Нурлан Куйбулбекович кызматынан бошотулду.
Шаардык мэриянын басма сөз кызматы билдиргендей, тиешелүү буйрукка шаар мэри Азиз Суракматов кол койду.
Белгилүү болгондой, департаменттин директорунун убактылуу милдетин аткаруучу болуп анын орун басары Шеримбаев Максат Калыбекович дайындалды.
Эскерте кетсек, мэр Азиз Суракматов 14-сентябрда өткөрүлгөн пландык жыйында шаардык кызматтарды санариптештирүүнүн жүрүшүнө нааразычылыгын билдирген. Шаар башчысы тургундардын шаардык кызматтар менен кызматташуусунда бирдиктүү санарип продукт жок экендигин, муниципалдык кызматтарды пайдалануу татаал экенин белгилеп, шаардык чарба департаментинин башчысы Нурлан Касымовдун жумуштан кетүүсүн сунуштаган.
Пикир
Оставить комментарий