Шайлоо 2021. БШК добуштардын 99%ын санап бүттү

Бишкек, 13.01.21. /Кабар/. Борбордук шайлоо комиссиясы (БШК) шайлоо участкалардагы добуштардын 99,07%ын санап бүттү.

Боршайкомдон билдиришкендей, кол менен саноонун жыйынтыгында президенттик башкаруу формасына 81,49%, парламенттик башкарууга 10,92% добуш берилген.

Ал эми мөөнөтүнөн мурда өткөн президенттик шайлоодо Садыр Жапаров 79,27% менен биринчи орунга чыккан. Шайлоого жалпы шайлоочулардын 39,15%ы катышкан.

Эскерте кетсек, Кыргызстанда 10-январда кезексиз президенттик шайлоо жана башкаруу формасын аныктоо боюнча референдум (бүткүл элдик добуш берүүгө) өттү.