БИШКЕК, 09.08.17 /Нуркыз Сабырова – Кабар/. Өкмөттүн алдындагы Мамлекеттик каттоо кызматы БШКга шайлоочулардын болжолдуу тизмесин берди.
Ведомствонун басма сөз кызматы билдиргендей, болжолдуу тизмеге 18ге толгон жана биометрикалык каттоодон өткөн Кыргызстандын жарандары кирди. Тизме боюнча шайлоочулардын саны 2 млн 914 миң 588 адамды түзгөн.
Белгилүү болгондой, 15-августтан тартып шайлоочулардын болжолдуу тизмеси шайлоо участкаларында илинет. Буга байланыштуу Мамлекеттик каттоо кызматы жарандарды өздөрүн шайлоочулардын тизмесинен тактоого чакырат. Ал үчүн шайлоочулар МККнын www.shailoo.srs.kg сайтынан же 119 номери аркылуу Call-борборго байланышса болот. Телефон чалуу акысыз.
Пикир
Оставить комментарий