Бишкек, 14.09.20. /Кабар/. Сокулук районунда кездеме калдыктарын кайра иштетүүчү цехте өрт чыкты. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 13-сентябрь күнү саат 13:25 чамасында Чүй облусунда Сокулук районунун Манас айылында жыгач устундуу темир жабылган кездеме калдыктарын кайра иштетүүчү цехтин 700 чарчы метр чатыры жана 3 тонна кездеме калдыктары күйгөн.
Өрттүн кесепетинен өрт өчүрүүчү-куткаруучусу бети колунан жаракат алган. Азыркы учурда абалы туруктуу.
Өрттүн себеби такталууда.
Пикир
Оставить комментарий