Бишкек, 20.06.23./Кабар/. Чүй облусунун Сокулук районуна караштуу Шопоков шаарындагы темир жол бекетинин аймагындагы мунай сакталуучу жайдан чыккан өрт саат 18:06да чектөөгө алынды.
ӨКМдин маалымат кызматы билдиргендей, өрттү өчүрүүгө жерине жалпы 8 күжүрмөн эсеп тартылды.
Андан тышкары, Чүй облусунун башчысы жетектеген ыкчам топ жана ККББдан ыкчам топ, "Кыргыз темир жол" ишканасынан бир өрт өчүрүүчү поезд, 103 кызматынан 3 тез жардам унаасы тартылган.
Учурда өрттү толук өчүрүү иш-чаралары жүрүүдө.
Белгилей кетсек, кырсык бүгүн катталып, төрт адам ар кандай даражадагы күйүк алды.
Пикир
Оставить комментарий