Бишкек, 16.12.24. /Кабар/. Бишкек – Ош унаа жолундагы Сосновка постунда оор жүк ташуучу унаалардын бардык түрүнө киргизилген убактылуу чектөө алынды.
Өзгөчө кырдаалдар министрлигинен билдиришкендей, чектөө бүгүн саат 09:30да алынды.
Белгилей кетсек, кечээ, 15-декабрда Бишкек – Ош унаа жолунда кар жаап, жол тайгак болуп жаткандыгына байланыштуу кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында Жайыл районунун "Сосновка" постунда оор жүк ташуучу унаалардын бардык түрүнө саат 19:30дан тартып убактылуу чектөө киргизилген.
Пикир
Оставить комментарий