Бишкек, 22.05.23. /Кабар/. Социалдык фонддун Коомчулук менен иш алып баруу башкармалыгына 2023-жылдын январь-апрель айларында 3 миң 613 арыз жана кайрылуу келип түшкөн.
Соцфонддун басма сөз кызматы билдиргендей, жазуу түрүндө 130, ооз эки 410 жана электрондук түрдө 78 кайрылуу келип түшкөн.
Жарандарды кызыктырган суроолор:
- пенсиялардын өлчөмдөрүн жогорулатуу жөнүндө;
- мамлекеттик социалдык камсыздандыруу жөнүндө;
- пенсияларды индексациялоо тууралуу;
- пенсияга укугу боюнча;
- пенсия чектөө, пенсияларды өз убагында төлөө жана туура эсептөө тууралуу;
- пенсиянын топтоо бөлүгүндө пенсиялык топтоолорун чектөө жана төлөө жөнүндө.
Ошондой эле төраганын орун басарлары жана аппарат жетекчиси тарабынан 47 жаран өздөрүнүн кабыл алуусунда болду жана кабыл алууда болгон суроо-талаптарына тиешелүү чаралар көрүлдү.
Соцфонддон кошумчалашкандай, 2023-жылдын январь-апрель айларында 1 миң 964 телефон чалуу жана уюлдук телефон аркылуу 984 чалуу түшкөн.
Пикир
Оставить комментарий