Соцфондго жыл башынан тарта дээрлик 6 миң кайрылуу келип түшкөн

Бишкек, 06.10.23./Кабар/. Социалдык фондго 2023-жылдын январь-сентябрь айларында 5 миң 833 кайрылуу келип түшкөн. Бул тууралуу фонддон кабарлашты.

Анын ичинде:

жазуу түрүндө кайрылуулар – 290;
ооз эки кайрылуулар – 815;
Соцфонддун жетекчилиги тарабынан кабыл алынды – 109 жаран;
ишеним телефондор аркылуу – 3399;
уюлдук ишеним телефону аркылуу – 1220.

Жарандардын жазуу жүзүндөгү (электрондук, оозеки) кайрылуулардын тематикасы боюнча төмөнкү багыттарда суроолор келип түшөт:

пенсиялардын өлчөмдөрүн жогорулатуу жөнүндө;
мамлекеттик социалдык камсыздандыруу жөнүндө;
пенсияларды индексациялоо тууралуу;
пенсияга укугу боюнча;
пенсия чектөө, пенсияларды өз убагында төлөө жана туура эсептөө тууралуу;
пенсиянын өчөмүнө кайра эсептөө боюнча;
пенсиянын топтоо бөлүгүндө пенсиялык топтоолорун чектөө жана төлөө жөнүндө;
Соцфонддун ишмердүүлүгү боюнча башка суроолор.

Социалдык камсыздандыруу жана пенсия менен камсыз кылуу жөнүндө келип түшкөн баардык суроолор боюнча мамлекеттик жана расмий тилде жеткиликтүү жооптор берилип келүүдө.