Бишкек, 30.03.23. /Кабар/. Бүгүн, 30-мартта Таласта социалдык келишимдин алкагында аз камсыз болгон үй-бүлөлөргө 100 миң сом өлчөмүндөгү акча каражаттарынын сертификаттарын тапшыруу аземи өттү.
Президенттин Талас облусундагы өкүлчүлүгүнөн билдиришкендей, иш-чарага эмгек, социалдык камсыздоо жана миграция министри Кудайберген Базарбаев, Жогорку Кеңешинин депутаты Руслан Жакышев, Талас облусунун башчысы Нурлан Дарданов катышты.
Белгилей кетсек, аталган долбоор жакыр жана аз камсыз болгон үй-бүлөлөрдү өз алдынча иш менен камсыз кылуу үчүн шарттарды жана кошумча жумуш орундарды түзүү максатын көздөйт.
Каражатка ээ болуу үчүн аз камсыз болгон үй-бүлөлөр тарабынан 100 миң сомду кандай пайдаланары боюнча долбоор жазылат. Келип түшкөн долбоорлордун ичинен тандоо жүргүзүлүп, атайын жобого ылайык акча каражаты бөлүнүп берилет.
Пикир
Оставить комментарий