Бишкек, 20.09.23. /Кабар/. Саламаттык сактоо министрлиги "Кабар" агенттигине күйөөсү тарабынан кордолуп, бети-башы кескиленген аялга операция жасалып жатканын билдирди.
Ведомствонун маалыматына ылайык, бүгүн, 20-сентябрда саат 11:00дө Улуттук госпиталга Сокулук райондук Жалпы дарыгердик практика борборунан бети, моюну кесилген аял которулуп келген.
"Саат 11:30да жабырлануучу хирургдардын жана микрохирургдардын катышуусунда операцияга алынган. Азыркы учурда операция уланууда. Дарыгерлер жабырлануучунун органдарын сактап калууга бардык аракеттерди көрүшүүдө", - деп айтылат маалыматта.
Министрликтен жабырлануучунун операциядан кийинки абалы тууралуу кошумча маалымат берилерин белгилешти.
Пикир
Оставить комментарий