Сутка ичинде куткаруучулар батирден эки адамдын сөөгүн табышты

Бишкек, 07.06.23./Кабар/. Сутка ичинде куткаруучулар батирден эки адамдын сөөгүн табышты. Бул тууралуу Өзгөчө кырдаалдар министрлигинен билдиришти.

Маалыматка ылайык, куткаруучулар Жал кичирайонунда жайгашкан көп кабаттуу үйдүн батиринин бекилип калган эшигин ачып, ичинен 52 жаштагы З.Д. аттуу эркек кишинин сөөгүн табышкан.

Маркумдун сөөгү милиция кызматкерлерине өткөрүп берилди.

Ошондой эле ӨКМдин куткаруучулары тарабынан Токмок шаарындагы Шамшы көчөсүндө жайгашкан көп кабаттуу үйдүн батиринен 76 жаштагы Г.И. аттуу аял кишинин сөөгү табылган.

Куткаруучулар маркумдун сөөгүн милиция кызматкерлерине өткөрүп беришкен.