Бишкек, 30.07.18. /Кабар/. Ысык-Көлдө сууга чөгүп кеткен жактоочу Александр Стручалиндин денесин издөө иштери токтотулду. Бул тууралуу “Кабар” агенттигине Өзгөчө кырдаалдар министрлигинин басма сөз кызматы билдирди.
Издөө иштери 27-июлда анын туугандарынын демилгеси менен токтотулгандыгы такталууда.
“Эгер зарыл болсо, издөө иштери кайра уланат”, - деп билдирди басма сөз кызматы.
Эске сала кетсек, Александр Стручалин 23-июлда Ысык-Көлдө эс алуу учурунда сууга чөгүп кеткен. Ал Бишкек жана Кыргызстан епархиясында юрист болуп иштеген. Караколдогу ишкерлер бирикмесинин төрагасы, “Ишкерлердин укугун коргоо” коомдук бирикмесининбашчысы болгон. 2016-жылы вице-премьер министрлердин биринин кеңешчиси болуп эмгектенген. Анын артында 3 баласы калды.
Пикир
Оставить комментарий