Бишкек, 12.01.22. /Кабар/. Сузак районунун Сузак айыл аймагынын Арал айылынын тургуну 1994-жылы туулган Арибжанов Сардорбек Кахраманжонович дайынсыз болууда.
Жалал-Абад облустук милициясынын билдирүүсүнө караганда, ал 2021-жылдын 8-декабрында саат 15:00дөр чамасында үйүнөн чыгып кеткен бойдон дайыны жок.
Учурда Сардорбек Арибжановдун жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.
Белгилери: Бою 165-170 см, ак жүздүү, кашы, көзү, чачы кара, орто дене түзүлүштө, сакалы бар.
Кийген кийимдери: Үстүндө көк түстөгү джинсы куртка, кара түстөгү джинсы шым, кара түстөгү кроссовки болгон.
Дайынсыз болуп жаткан жаран тууралуу кандайдыр маалыматыңыз болсо төмөнкү дарекке кабарлап койсоңуздар болот: 102, (03748) 5 02 09, 0778 15 15 91, 0550 31 31 22.
Пикир
Оставить комментарий