Бишкек, 28.03.23. /Кабар/. Жалал-Абадда бейбаштыкка шектелип мурда бир нече жолу соттолгон жаран кармалды. Бул тууралуу Жалал-Абад облустук милициясынан билдиришти.
Маалыматка ылайык, милициягы А.Л. аттуу жаран арыз менен кайрылып, үстүбүздөгү жылдын 21-февралында Сузак районунун аймагынан өткөн Ош-Бишкек унаа жолундагы айлампада (круговой) Эдик аттуу адам шериктери менен аны ур-токмокко алып, денесине жаракат келтиргендигин билдирген.
Аталган факты КБРге катталып, КР Кылмыш-жаза кодексинин 280-беренесинин (Бейбаштык) негизинде кылмыш иши козголгон.
Жүргүзүлгөн иликтөө иштеринин натыйжасында окуяга шектелип мурда бир нече жолу соттолгон Ноокен районунун Шайдан айыл аймагынын 1988-жылы туулган С.А. аттуу тургуну кармалып, убактылуу кармоочу жайга киргизилген.
Учурда тергөө амалдары жүрүп жатат.
Пикир
Оставить комментарий