Бишкек, 11.09.23. /Кабар/. Түп районундагы Михайловка - Николаевка - Токтоян - Сары-Тологой унаа жолунун 8 чакырым 800 метр жерине асфальт төшөлдү. Бул тууралуу Транспорт жана коммуникациялар министрлигинен билдиришти.
Маалыматка ылайык, жеринде “Кыргызавтожол” мамлекеттик ишканасынын Ысык-Көл филиалынын жолчулары иштеп, жаңы алынып келинген техникалар иш ыргагын кыйла ыкчамдатып, жумуштар белгиленген мөөнөттөн эрте жыйынтыкталды.
"Быйыл жалпы 81 чакырымды түзгөн Михайловка - Николаевка - Токтоян - Сары-Тологой унаа жолунун 8 чакырым 800 метр жерине 6 см калыңдыктагы асфальт төшөө иштери каралган. Жер иштери июль айында башталган. Этап-этабы менен жасалган бул жол бардык нормаларга жооп берет", - деп айтылат маалыматта.
Пикир
Оставить комментарий