Бишкек, 11.09.23. /Кабар/. Жогорку Кеңештин төрагасы Нурланбек Шакиев Аксы районунун Чат айылында жаңы фельдшердик-акушердик пункттун (ФАП) ачылышына катышты. Бул тууралуу парламенттен билдиришти.
Ачылыш аземинин алкагында дарыгерлер жана жергиликтүү тургундар менен баарлашкан Нурланбек Шакиев мамлекеттин келечеги калктын саламаттыгына көз каранды экенин айтып: "Курулган ФАП жергиликтүү элдин ден соолугун чыңдоого кызмат кылсын”, - деген тилегин билдирди.
ФАПтын курулушуна каражат Кувейт мамлекетинин “Ас-Сафа” кайрымдуулук фонду тарабынан бөлүнгөн.
Белгилей кетсек, учурда ЖК төрагасы Нурланбек Шакиев иш сапары менен Аксы районунда жүрөт. Шакиевди министрлер кабинетинин төрагасы Акылбек Жапаров баштаган тиешелүү жетекчилер коштоп жүрөт.
Пикир
Оставить комментарий