Түштүк Кореянын инвесторлору Жогорку Нарын ГЭС каскадынын курулушуна кызыкдар — министрлик

Бишкек, 13.07.21. /Кабар/. Түштүк Кореянын инвесторлору Жогорку Нарын ГЭС каскадынын курулушуна кызыкдар. Бул тууралуу “Кабар” агенттигиндеги маалымат жыйында инвестициялар министринин орун басары Улан Асанов билдирди.

Анын айтымында, Түштүк Кореяда энергетика тармагында көптөгөн эл аралык инвесторлор бар.

“Алардын бири Жогорку Нарын ГЭС каскадынын курулушуна кызыкдар. Ал инвесторлор менен сүйлөшүүлөрдү жүргүзүп жатабыз”, - дейт ал.