Бишкек, 04.12.24. /Кабар/. Талас облусунда Талас шаардык мамлекеттик архивинин жана Бакай-Ата райондук мамлекеттик архивинин жаңы имараттарынын салтанаттуу ачылышы болду. Бул тууралуу Санариптик өнүктүрүү министрлигинин басма сөз кызматы билдирди.
Маалыматка ылайык, имараттардын курулушу 2023-жылдын аягында башталган. Жаңы имараттар архивдик сактоонун заманбап талаптарына толук жооп берет, документтердин ишенимдүү сакталышын камсыз кылат жана жарандардын маанилүү маалыматтарга жетүүсүн жеңилдетет.
"Буга чейин Талас шаардык архиви тез-тез көчүп жана ылайыктуу жайдын жоктугу көйгөйүнө туш болгон. Бакай-Ата архиви өз кезегинде жараксыз абалга келип, документтерди сактоодо тобокелчиликтерди жараткан. Жаңы имараттар бул көйгөйлөрдү чечип, аймактагы архив илиминин өнүгүшүнө салым кошууда", - деп белгилешти министрликтен.
Пикир
Оставить комментарий