Бишкек, 12.01.24. /Кабар/. Талас районундагы Талды-Булак айылынын эски мектебине уюштурулган жылынуу пункту жаңыланды. Бул тууралуу Өзгөчө кырдаалдар министрлиги билдирет.
Кыш ызгаарынди иштеп келген жай бул ирет ашкана буюмдары, керебет, жууркан-төшөктөр, куткаруучулар үчүн негизги шаймандар, жылытуучу электр буюмдары менен жаңыртылды.
Пунктту жаңылоого Талас районун өнүктүрүү фондусуна 585 миң сом каралган.
"Жергиликтүү бийлик өкүлдөрүнүн колдоосу менен аталган пунктта Суусамыр – Талас –Тараз унаа жолунун Өтмөк ашуусунда жаралган кырдаалдарда жүргүнчүлөр келип ысык чай ичип, жылынып, убактылуу жайгашууга шарттар түзүлдү", - деп айтылат билдирүүдө.
Пикир
Оставить комментарий