Талас шаарында бокс боюнча жаштар арасында эл аралык мелдеш өтөт

Бишкек, 09.11.24. /Кабар/. Талас шаарында бокс боюнча жаштар арасында эл аралык мелдеш өтөт.

Дене тарбия жана спорт департаментинен билдиришкендей, мелдеш 9-12-ноябрь күндөрү Талас шаарындагы спорт ортосунда уюштурулат. Бокс боюнча жаштар арасында таймаш Ата Мекендик согуштун ардагери, "Даңк" орденинин ээси Молдон Мураталиевдин жаркын элесине арналган.

Мелдешке республиканын бардык аймактарынан келген спортчулар катышат.

Мушкерлер 48, 51, 54, 57, 60, 63.5, 67, 71, 75, 80, 86, 92, +92 кг салмак категорияларында күч сынашат.

Жеңүүчүлөргө Спорттун олимпиадалык түрлөрү боюнча дирекциясы жана Талас облустук бокс федерациясы тарабынан диплом жана медалдар тапшырылат.