Бишкек, 13.11.23. /Кабар/. Талас шаарынын аймагындагы диний мекеме-уюмдардын, чиркөө, мечит, медреселердин ишмердүүлүгү текшерилди.
Муниципалитеттен билдиришкендей, мониторингдин жүрүшүндө диний уюмдардын уруксат иш кагаздары жана күбөлүктөрү, өрт коопсуздугу жана санитардык-техникалык нормалардын талаптарга туура келиши текшерилди.
Ошондой эле текшерүүнүн жүрүшүндө кемчиликтерди жоюу, талаптарга шайкеш келтирүү боюнча кеңештер берилип, түшүндүрүү иштери жүргүзүлдү.
Иш-чарага Талас шаардык ички иштер бөлүмүнүн, Талас шаары боюнча өзгөчө кырдаалдар бөлүмүнүн, Талас райондор аралык оорулардын алдын алуу жана мамлекеттитк санэпидкөзөмөл борборунун кызматкерлери жана шаардын башкы имам-хатиби катышты.
Белгилей кетсек, бүгүнкү күндө Талас шаары боюнча 9 мечит, 7 чиркөө жана 2 медресе каттоодон өтүп, өз ишмердүүлүгүн жүргүзүп келет.
Пикир
Оставить комментарий