Бишкек, 13.11.23. /Кабар/. Сузак районунун Мазар-булак айылынын тургуну 21 жаштагы Кадырбек уулу Адилет изделүүдө. Бул тууралуу Жалал-Абад облустук милициясынан билдиришти.
Маалыматка ылайык, ал 4-ноябрь күнү ушул эле райондун Соку-Таш айылында таенесинин үйүнөн чыгып кеткен бойдон дайынсыз болууда.
Белгиленгендей, учурда Кадырбек уулу Адилеттин жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.
Белгилери: Бою 170-175 см, өңү ак жүздүү, көзү кара, чачы кара кыска, орто дене түзүлүштө.
Кийген кийимдери: Үстүндө кара түстөгү спортивка, астында кара түстөгү спорттук шым, бутунда көк түстөгү кроссовки болгон.
Өзгөчө белгилери: Угат, бирок сүйлөй албайт.
"Дайынсыз болуп жаткан Кадырбек уулу Адилет тууралуу кандайдыр бир маалымат болсо биздин дарекке кабарлап коюуңуздарды суранабыз. Байланыш номерлери: 102, (03748) 5 02 09, 0995 77 02 12, 0771 77 02 12", - деп айтылат маалыматта.
Пикир
Оставить комментарий