Бишкек, 13.11.23. /Кабар/. Таш-Көмүр шаарында “Өспүрүм түн” рейдинин жүрүшүндө көчөдө жүргөн 18 өспүрүм аныкталды. Бул тууралуу Жалал-Абад облустук милициясынын басма сөз кызматынан билдиришти.
Маалыматка ылайык, өспүрүмдөр менен атайын түшүндүрүү иштери жүргүзүлүп, экөөнүн ата-энесине протокол түзүлгөн. Аныкталган өспүрүмдөр боюнча керектүү материалдар чогултуруп, тиешелүү мекемелерге сунуш каттар жиберилди.
Рейд Таш-Көмүр шаардык ички иштер бөлүмүнүн жашы жете электер менен иштөө инспекциясы жана милициянын аймактык ыйгарымдуу өкүлдөрү менен биргеликте өткөрүлдү.
Аталган иш-чаранын максаты — шаар аймагында жаш өспүрүмдөр тарабынан жасалган кылмыштуулуктун алдын алуу жана аларга бөгөт коюу болуп саналат.
Пикир
Оставить комментарий