Бишкек, 23.07.20. /Кабар/. Тажикстанда Курман айт майрамы 31-июлда белгиленет. Бирок коронавируска байланыштуу жапырт намаз окулбайт.
Бул тууралуу 22-июлда өлкөнүн Дин, улуттук салт-санааларды жөнгө салуу комитетинин башчысы Сулаймон Давлатзода билдирди.
Комитет мусулмандарды майрам күнү мурдагыдай, үймө-үй кыдырып айттоону токтотууга чакырды.
Тажикстан Саламаттык сактоо министрлигинин маалыматы боюнча өлкөдө коронавирус илдетине кабылгандардын жалпы саны 7015 кишиге жетип, 58 киши өлдү.
Пикир
Оставить комментарий