Бишкек, 21.09.22. /Адил Төлөгөнов - Кабар/. Кыргыз-тажик чек арасындагы куралдуу кагылышууда Баткенде медициналык жардам көрсөткөн 30 дарыгер Бишкек шаарына кайтып келди. Бул тууралуу Саламаттык сактоо министрлигинин Баткен облусу боюнча координатору Арзыбек Бөрүбеков билдирди.
Анын айтымында, 21-сентябрь саат 11:00гө карата куралдуу кагылышуу учурунда жабыркагандардын жалпы саны 198ди түзөт. Алардын 61и амбулатордук, 137си стационардык дарыланууда.
“Бишкек, Ош, Жалал-Абад, Араван, Өзгөн, Ноокат шаар, райондон Баткенге келген дарыгерлер үйлөрүнө жөнөтүлүүдө. Бишкекке 30 дарыгер кетти”, - дейт ал.
Бөрүбеков кошумчалагандай, Лейлек жалпы дарыгерлердин практикалык борборунда жети, Баткен облустук бириктирилген ооруканасында эки бригада иштеп жатат.
“Дагы 21 дарыгер даярдыкта турушат. Облуска келген 22 психолог жер-жерлерде, төртөө кризисттик борбордо иш алып барууда”, - деди ал.
Пикир
Оставить комментарий