Бишкек, 03.06.20. /Кабар/. Алдын ала маалымат боюнча кечээ, 2-июнда саат 18:10 чамасында кыска мөөнөттө жаап өткөн жамгырдын кесепетинен Жалал-Абад облусунун Тогуз-Торо районундагы Кара-Суу айыл аймагынын Табылгыты айылында турак үйлөрдүн короолорун сел суулары каптаган. Бул тууралуу Өзгөчө кырдаалдар министрлигинин басма сөз кызматы кабарлайт.
Маалыматка ылайык, жерине тактоо иш-чараларын жүргүзүү үчүн КР ӨКМнин Тогуз-Торо райондук бөлүмүнөн ыкчам топ тартылган.
Эскерте кетсек, буга чейин Кыргызгидромет борбору туруксуз аба ырайы тууралуу шашылыш эскертүү таркаткан.
Пикир
Оставить комментарий