Бишкек, 03.08.21. /Кабар/. Жалал-Абад облусунун Тогуз-Торо районундагы Көк-Ирим айыл аймагынын Бирдик айылындагы Көк-Ирим суусунун сол жээгинин 100 метр аралыгы бекемделди. Бул тууралуу президенттин Жалал-Абад облусундагы өкүлчүлүгүнөн билдиришти.
Маалыматка ылайык, жумуш ӨКМдин кызматкерлери тарабынан аткарылып, керектелүүчү күйүүчү май жана атайын техникалар тартылган. Жыйынтыгында Көк-Ирим айыл аймагынын Бирдик айылынын сугат суу менен камсыз кылган каналга болгон кооптуулук жоюлуп, турак жай куруу үчүн трансформациялоого берилген 40 гектар жер аянты суу ташкынынан корголот.
Тогуз-Торо районунун аймагында дарыя жээктерин бекемдөөгө төрт обьект бекитилип, бирөөсүндө жумуш толук аяктады.
Пикир
Оставить комментарий