Бишкек, 17.11.23. /Кабар/. Токмокто жашы жете элек кызды зордуктоого шектүү кармалды. Бул тууралуу Чүй облустук ички иштер башкы башкармалдыгынан билдиришти.
Маалыматка ылайык, 18-августта социалдык коргоо адиси арыз менен шаарда жашы жете элек кыз өгөй атасы, жаран М.С.Т. менен жашап жүргөнүн билдирген. Ал кыздын алсыз абалынан пайдаланып, 2023-жылдын февраль айынан баштап зордуктаган.
Аталган факты Токмок шаарынын ички иштер бөлүмүнө катталып, КР Кылмыш-жаза кодексинин "Зордуктоо" беренесинде каралган кылмыштын негизинде кылмыш иши козголгон.
Бул кылмышка шектүү катары 1985-жылы туулган М.С.Т. кармалып, убактылуу кармоочу жайга камалды.
Кылмышка шектүү М.С.Т. айып тагылып, камакка алуу түрүндөгү баш коргоо чарасы тандалган, тергөөнүн жыйынтыгы менен 10-октябрда кылмыш иши тергелип бүтүп, сотко жөнөтүлгөн.
Иликтөө иштеринин жүрүшүндө жашы жете элек кыздын апасы 1990-жылы туулган М.В.В. 2022-жылы рак оорусунан каза болгон, атасы жаран Т.А.Н. 2023-жылы өлтүрүлгөн, буга байланыштуу кыз өгөй атасы менен жашаганы аныкталды.
Пикир
Оставить комментарий