Тоолуу жана тоо этектериндеги райондордо сел жүрүшү мүмкүн - Кыргызгидромет

Бишкек, 30.05.20. /Кабар/. Өлкөнүн тоолуу жана тоо этектериндеги райондорунда сел жүрүшү ыктымал. Бул тууралуу Кыргызгидромет борборунан билдиришти.

Маалыматка ылайык, 2020-жылдын 30-майынан 3-июнуна чейин республиканын тоолуу жана тоо этектериндеги райондорунда туруксуз аба ырайына жана абанын температурасынын жогорулашына байланыштуу сел жүрүшү мүмкүн, дарыяларда суунун деңгээли көтөрүлүшү күтүлөт.