Бишкек, 16- февраль /Кабар/. Транспорт жана жолдор министри Жамшитбек Калилов бүгүн “Кабар” агенттигинде өткөн маалымат жыйынында Балыкчы-Чолпон-Ата-Корумду автожолун куруп жаткан “Лон Хай” компаниясынын подрядчысына ведомствонун карызы канча экендигин айтты.
Анын айтымында, подрядчыга болгон жалпы карыз 211 млн сомду түзөт.
“Биз жакында 100 млн сомду төлөйбүз. Балыкчы–Чолпон-Ата–Корумду автожолунда аткарылган иштердин көлөмүн тактоо, заказчы менен подрядчынын дебитордук жана кредитордук карыздарын аныктоо үчүн карызды төлөө убактылуу кармалып турду. Бул пландык иш”,-деди министр.
Ошондой эле, ал мында эч кандай саясат жоктугун белгиледи.
“Мында подрядчыга Транспорт жана жолдор министрлиги тарабынан эч кандай басым болбогондугун белгилеп кетем”,-деп кошумчалады Ж.Калилов.
Белгилей кетсек, мындан мурда министр туристтик сезондун башталышына чейин автожол оңдолуп бүтөрүн айткан.
Пикир
Оставить комментарий