Tunduk тиркемесинде дагы бир жаңы онлайн-кызмат жеткиликтүү болду

Бишкек, 28.10.24. /Кабар/. Tunduk тиркемесинде дагы бир жаңы онлайн-кызмат жеткиликтүү болду. Бул тууралуу Санариптик өнүктүрүү министрлигинен билдиришти.

Маалыматка ылайык, эми турак-жай ээлери түз эле Tunduk мобилдик тиркемеси аркылуу өздөрү жашаган дарек боюнча канча адам катталганы тууралуу маалыматты биле алышат:

– кызмат: “Дарек боюнча катталган жарандар жөнүндө маалымкат”;
– баасы: 200 сом;
– жарактуу мөөнөтү - 1 ай.

Маалыматты кантип алса болот:

• Tunduk тиркемесин жүктөңүз;
• Жекелештирүүдөн (авторизациялоо) өтүңүз;
• “Маалымкаттар” кызматын тандаңыз;
• MegaPay аркылуу төлөм жүргүзүңүз.

Белгиленгендей, кызмат бир нече баскылоодон кийин эле өзүңүздүн телефонуңузда жеткиликтүү болот.

Санариптик өнүктүрүү министрлиги бардык жарандар үчүн мамлекеттик кызматтарга болгон жеткиликтүүлүктү жеңилдетүү үчүн бардык аракетин жумшоодо.