Учактын салонунда кол жүгү катары кайсы буюмдарды алып жүрүүгө болот? Жооп

Бишкек, 25.03.22. /Кабар/. «Манас» эл аралык аэропорту» ААКнан кол жүгү катары кайсы буюмдарды алып жүрүүгө боло тургандыгы тууралуу айтып беришти.

Маалыматка ылайык, учактын салонунда кол жүгү катары төмөнкү буюмдарды алса болот:

• Айымдардын сумкасы/эркектердин портфели же кагаздар үчүн папка;

• пластик баштыгы;

• гүлдесте;

• ноутбук, камера, видеокамера;

• учакта окуу үчүн басмалар: гезиттер, журналдар;

• баланы алып жүрүүгө керектүү буюмдар: азык-түлүгү, сумкасы;

• кол чатыр, басууга арналган таяк;

• пальто же плащ;

• плед;

• дүрбү;

• жыйыла турган коляска жана балдак (эгер учакта жүргүнчү талап кылса);

• жүргүнчүгө зарыл болгон ар кандай медициналык буюмдар;

• авиакомпания тарабынан белгиленген салмагы жана өлчөмдөрдөн ашпаган Duty Free дүкөнүнөн сатып алуулары бар сумка.

Эскертүү: Ар бир авиакомпаниянын уруксат берилген акысыз кол жүгүнүн салмагы ар башка болушу мүмкүн. Кол жүктүн салмагын жана уруксат берилген буюмдарды билет сатып алууда сөзсүз тактап алуу сунушталат.