Бишкек. 04.04.19 /Кабар/. Ирландиялык мушкер Конор Макгрегор аралаш мушташ өнөрү боюнча спортко кайра кайтып келгенин билдирди. Бул тууралуу РИА Новости кабарлады.
26-мартта Макгрегор карьерасы аяктагандыгын билдирген, бирок тогуз күндөн кийин октагонго кайтып келгенин айтууда.
"Мен ар түрдүү конфессиядагы жана улуттагы күйөрмандарым менен чогуу алдыга жылгым келет. Ар бир дин адамды өзүн-өзү өркүндөтүүгө чакырат. Бул дүйнө баардыгы үчүн жаралган! Октагондон көрүшкөнчө", - деп жазган Twitter'деги аккаунтунда.
Эске салсак, Макгрегор UFC'нин эки салмагында чемпион болгон.
Макгрегор аралаш мушташ өнөрү боюнча карьерасында 25 беттеш өткөрүп, алардын ичинен 21 жеңишке жетип, 4 жолу жеңилип калган.
UFC'деги акыркы беттешин ал 2018-жылы октябрь айында өткөрүп, россиялык мушкер Хабиб Нурмагомедовго утулуп калган.
Пикир
Оставить комментарий