Бишкек, 13.09.24. /Кабар/. Кадимки эле уюлдук телефондун кубаттагычы өрттүн тутанышына алып келиши мүмкүн. Мындан улам Өзгөчө кырдаалдар министрлиги жарандарды жөнөкөй эрежелерди так сактап, аларды эстен чыгарбоо керектигин белгилейт.
- Уюлдук телефондун кубаттагычын токко сайган бойдон калтырбаңыз. Эсиңизде болсун, техникалык мүчүлүштүктөрдөн улам электр кубаты кескин жогорулап кетиши мүмкүн. Бул кубаттагычтын ысып, түтөп өрттөнүшүнө алып келет;
- заманбап телефон кубаттагычы өрткө каршы системасы менен жабдылган. Бирок убакыттын өтүшү менен анын ички тетиктери эскирет. Арзан баадагы жана үч жылдан ашык пайдаланылган кубаттагыч буюмдар өрт кырсыгына кептейт;
- кубаттагыч ысып кеткенин байкасаңыз, аны алмаштырганыңыз оң;
- кубаттагычты, телефонду, планшеттерди күндүн нуру түз тийген жерге коюуга болбойт;
- телефонду токко сайып алып көпкө сүйлөшүүгө, оюн ойноого, кино, видео көрүүгө болбойт;
- кубаттагычты электр тогуна сайганда кароосуз калтырбаңыз. Айрыкча кичинекей балдардын колу жетпегендей болушу керек жана анын чубалгысы менен ойноосуна жол бербеңиз;
- электр чыңалуусунун кубаттуулугу катуу шамал, бороон болгондо, жаан жааганда, чагылган түшкөндө көп болот. Бул кезде бардык үй-тиричилик буюмдарын электр тогунан ажыратып коюу зарыл;
- күнүмдүк турмушта колдонулган электр түйүнүндөгү токтун чыңалуусу тиричилик буюмдарын бузушу толук ыктымал.
Пикир
Оставить комментарий