Уюшкан кылмыштуу топтун мүчөсү кылмыштуу аракеттерден баш тартты – УКМК

Бишкек. 27.06.23/Кабар/. К.Асанбектин уюшкан кылмыштуу тобунун мүчөсү М.Т.И. кылмыштуу аракеттерден баш тартты. Бул тууралуу Улуттук коопсуздук мамлекеттик комитетинен билдиришти.

Маалыматка ылайык, УКМК тарабынан өлкөдө уюшкан кылмыштуулуктун алдын алуу, ачуу жана бөгөт коюу боюнча жүргүзүлүп жаткан иштердин алкагында ыкчам-издөө, анын ичинде профилактикалык мүнөздөгү иш-чаралары өткөрүлүп, анын жүрүшүндө кылмыш дүйнөсүндө “Точка” деген ат менен белгилүү болгон Б.А.нын (К.Асанбектин уюшкан кылмыштуу тобунун мүчөсү) жергиликтүү кылмыштуу тобунун активдүү мүчөсү, ИИМдин маалымат базасында уюшкан кылмыштуу топтун мүчөсү катары турган М.Т.И. кылмыштуу аракеттерден жана көрсөтүлгөн чөйрөдөгү адамдар менен баарлашуудан баш тартты.

Атайын кызмат өлкөдө кылмыштуулуктун өсүшүнө каршы туруу боюнча тиешелүү иш-чаралардын комплексин, профилактикалык мүнөздөгү чараларды улантууда.