Бишкек, 11.09.23. /Кабар/. УКМК жүргүзүлгөн ыкчам-издөө иш-чараларынын жүрүшүндө КР Кылмыш-жаза кодексинин 278-беренесинин 2-бөлүгүнүн диспозициясына (“Массалык баш аламандыктар”) туура келген чагымчыл маанайдагы материалдарды системалуу түрдө Facebook социалдык тармагында жарыялаган “Зарина Төрөкулова” аккаунтунун ээси – КР жараны Т.З. аныкталганын билдирет.
Атайын кызматтын билдирүүсүнө караганда, жүргүзүлгөн ыкчам-иликтөө иш-чараларынын жүрүшүндө Т.З. КР Кылмыш-жаза процессуалдык кодексине ылайык кармалып, КР УКМКнын тергөө абагынын убактылуу кармоочу жайына киргизилди.
2023-жылдын 9-сентябрында Бишкектин Биринчи май райондук соту тарабынан Т.З. 30-октябрга чейин камакка алуу түрүндөгү баш коргоо чарасы тандалды.
Тергөө иштери жүрүп жатат.
Пикир
Оставить комментарий