Бишкек, 27.06.23./Кабар/. Үстүзбүздөгү жылдын 30-июнунда Кыргызстандын аймактарындагы аялдардын IT- сабаттуулугун жогорулатуу боюнча онлайн-тренинг өтөт.
Санариптик өнүктүрүү министрлигинен билдиришкендей, тренинг Кыргызстандын аймактарындагы аялдар үчүн мамлекеттик кызмат көрсөтүүлөрдү алуу жана санариптик чечимдерди пайдалануу жаатында санариптик сабаттуулугун жогорулатуу үчүн өткөрүлүүдө.
Иш-чара Санариптик өнүктүрүү министрлигине караштуу "Түндүк" мамлекеттик мекемеси тарабынан уюштурулган. Тренинг акысыз, кыргыз тилинде өтмөкчү. Башталышы саат 10:00.
Тренингге катышуу үчүн шилтемени басып каттодон өтүү зарыл. Андан кийин сиздин электрондук почтаңызга zoom-вебинарга чакыруу жөнөтүлөт. Байланыш телефону: (+996) (704) 000-144.
Тренингдин программасы.
Пикир
Оставить комментарий