Бишкек, 03.03.20. /Кабар/. Үстүбүздөгү жылдын 2-мартында Бишкекте өткөн митингдин уюштуруучуларынын бири жана активдүү катышуучусу кармалды. Бул тууралуу КР Улуттук коопсуздук боюнча мамлекеттик комитети (УКМК) билдирет.
Маалыматка ылайык, бүгүн, 3-мартта УКМК тарабынан жүргүзүлгөн ыкчам-тергөө иш-чараларынын алкагында Жогорку Кеңештин мурдагы депутаты Каныбек Осмоналиев жана митингдин активдүү катышуучусу "Д.А", кармалган.
"Кармалгандар КР Кылмыш-жазык кодексинин 39 жана 309-беренелери (Бийликти күч менен басып алууга аракеттенүү) боюнча кылмышка шектүү катары КР УКМК Тергөө камак жайынын убактылуу кармоочу жайына киргизилди", - деп айтылат маалыматта.
Тергөө иш-чараларынын жыйынтыгында аталган адамдарга карата жасалган кылмыш тууралуу билдирме берилип, алардын баш коргоо чарасы каралат.
Учурда сотко чейинки өндүрүш иштери уланууда
Пикир
Оставить комментарий