Улуттук банк эсептик чен өлчөмүн 4,25% чейин төмөндөттү

Бишкек, 28.05.19. /Кабар/. КР Улуттук банкынын башкармалыгы 2019-жылдын 25-майында эсептик чен өлчөмүн 25 базистик пунктка 4,25 пайызга чейин төмөндөттү. Бул тууралуу "Кабар" агенттигинде өткөн маалымат жыйынында КР УБнын төрагасы Толкунбек Абдыгулов билдирди.

Анын айтуусунда, Кыргызстанда баа динамикасы төмөн бойдон калууда. Май айында инфляция жылдык мааниде алганда 0,3% түзгөн.

Улуттук банктын башчысы билдиргендей, экономиканын негизги секторлорунда жигердүүлүк сакталууда.

"2019-жылдын январь-апрель айларында ИДП 5,7% түзгөн, "Кумтөр" боюнча маалыматтарды эске албаганда 1,6 пайыз чегинде калыптанган", - деп кошумчалады ал.