Бишкек, 21.04.22. /Кабар/. Ысык-Ата районунда адам өлтүрүүгө аракет кылган жаран кармалды. Бул тууралуу Чүй облустук милициясынын басма сөз кызматы билдирет.
Маалыматка ылайык, 2022-жылдын 17-апрелинде Ысык-Ата РИИБнын нөөмөт бөлүмүнө аймактык ооруканага бычакталып жаракат алган жаран жаткырылгандыгы тууралуу билдирүү түшкөн.
Жерине тергөө-ыкчам тобу чыгып, жаракат алган адамдын өздүгүн аныктап, ал 1985-жылы туулган Б.А. аттуу жаран экен белгилүү болгон.
Аталган факт кылмыштадын бирдиктүү реестрине КР Кылмыш-жаза кодексинин 37-122 беренеси (киши өлтүрүгө аракет кылуу) боюнча катталган.
Жүргүзүлгөн ыкчам-издөө иш-чараларынын жүрүшүндө Чүй ОИИБнин жана Ысык-Ата РИИБнин кызматкерлери тарабынан кылмышка шектелип 1994-жылы туулган Б.М. аттуу жаран колго түшүрүлгөн.
Бул окуя жарандардын ортосундагы чыр-чатактан улам келип чыккандыгы такталган.
Милиция кызматкерлери тарабынан кармалган жаран Ысык-Ата районунун убактылуу кармоочу жайына киргизилип, андан соң Бишкек шаарындагы №1 СИЗОго камакка алуу түрүндөгү баш коргоо чарасы каралган.
Иштин жагдайына ылайык, экспертизалар дайындалып, сотко чейинки териштирүүлөр жүргүзүлүүдө.
Пикир
Оставить комментарий