Бишкек, 28.05.20. /Кабар/. Ысык-Көл облусунда 14 киши коронавирус жуктурган, анын ичинен 13ү айыккан. Бул тууралуу онлайн брифинг учурунда өкмөттүн Ысык-Көлдөгү өкүлү Акылбек Осмоналиев билдирди.
Анын айтымында, учурда бир бейтап ооруканада дарыланып жатат.
"Ал Балыкчы шаарынын тургуну. Анын абалы жакшы", - деди ал.
Анын айтымы боюнча, коронавирустан айыккандардын ичинде Ысык-Көлдө курулуш иштеринде иштеп жүргөн Нарын облусунун тургуну бар. Ошондой эле Бишкек шаарынан Караколго келген оор жүк ташуучу унаанын айдоочусунан коронавирус аныкталган. Ал ооруканага жаткырылып, коронавирустан айыккандан кийин үйүнө жөнөтүлгөн.
Пикир
Оставить комментарий