Ысык-Көл облусунда 14 мыйзамсыз балык уулоо фактысы аныкталды

Бишкек, 17.11.24. /Кабар/. Ысык-Көл облусунда 14 мыйзамсыз балык уулоо фактысы аныкталды. Бул тууралуу Ысык-Көл облустук милициясынан билдиришти.

Маалыматка ылайык, акыркы 20 күн ичинде Ысык-Көл ОИИБдин туристтик-экологиялык милиция кызматкерлери тарабынан ар дайым өткөрүлгөн рейддердин натыйжасында 14 мыйзамсыз балык уулоо фактысы аныкталган.

Натыйжада 134 балык алынды, алардын ичинде 105 сига-лудога, 1 севан, 7 судак, 21 форель балыктары. Мындан тышкары, 2 кытайлык синтетикалык тор алынган.

Бардык фактылар каттоого алынып, териштирүү үчүн тергөө кызматына өткөрүлүп берилген.

Ысык-Көл облусунун ички иштер башкармалыгы экологияны жана айлана-чөйрөнү коргоо боюнча чараларды күчөтүүнү улантууда, мыйзам бузуучуларга каршы активдүү күрөшүүдө. Айрыкча, мыйзамсыз балык уулоо, браконьерчилик, табиятты коргоо жана башка экологиялык мыйзам бузууларды алдын алуу максатында рейддер өткөрүлүүдө.

Мындан тышкары, региондо экологиялык коопсуздукту камсыздоо жана туризмди өнүктүрүү, ошондой эле экологиялык мыйзам бузууларды алдын алуу боюнча ар кандай иш-чаралар ишке ашырылууда.