Бишкек, 02.09.18. /Кабар/. Ысык-Көл облусунун Бактуу-Долоноту айылында улуу жазуучу Чыңгыз Айтматовдун мемориалдык эстелигинин ачылышы болду.
Салтанаттуу иш-чарага КР вице-премьер-министр Жеңиш Разаков, жазуучулар, маданият ишмерлери, коомдук ишмерлер жана жергиликтүү тургундар катышты.
"Биздин мекендешибиз жана улуу жазуучу өз чыгармаларында адамдын тарыхый эс-тутумундагы маселелер, «адам үчүн адам болуу» деген сыяктуу татаал жана түбөлүктүү суроолор боюнча ой толгоп, жашоо-тиричиликтин күнүмдүк жеңил эмес баскычтарын багындырып келген. Биз кыргыз жери дүйнөгө чыгармаларында мекенге жана энеге болгон сүйүү, бүтүндөй дүйнөдө тынчтыкка умтулуу - адамзатынын жашоо максаты болгон улуу адамды жана улуу жазуучуну тартуулаганы менен сыймыктанабыз", - деди Жеңиш Разаков.
Белгилей кетсек, быйыл Кыргызстанда жана көптөгөн башка өлкөлөрдө залкар жазуучу Чыңгыз Айтматовдун 90 жылдык мааракеси белгиленүүдө.
Пикир
Оставить комментарий