Бишкек, 29.07.22. /Кабар/. Кечээ, 28-июлда Ысык-Көлдөгү "Алия" мейманканасынын алдында көлгө 16 жаштагы Э.А. аттуу кыз чөгүп жаткандыгы тууралуу маалымат суучул-куткаруучуларга түшкөн.
ӨКМдин басма сөз кызматы билдиргендей, ошол учурда “Алия” эс алуу жайынын тушундагы жээкте суучул-куткаруучулар бир нече күн мурун чөгүп кеткен төрт жашар кызды издеп жатышкан.
Издөө ишинде жүрүшкөн үч куткаруучу жана эки суучул көлгө чөгүп жаткан өспүрүм кызды байкап калып, аны суудан аман-эсен алып чыгышкан. Кыз тез жардам кызматына өткөрүп берилген.
Пикир
Оставить комментарий