Бишкек. 08.05.19 /Кабар/. Чолпон-Ата шаарында Issyk-Kul International Tourism Fair-Exhibition - 2019 аттуу эл аралык туристтик көргөзмө өтөт. Бул тууралуу Маданият, маалымат жана туризм министрлиги билдирди.
Маданий иш-чара Туризм департаменти жана Ысык-Көл облустук администрациясы тарабынан уюштурулуп, 18-19-майда өткөнү жатат. Көргөзмө-жарманке Ысык-Көлдө туристтик сезондун расмий ачылышынын алкагында өтөт.
Көргөзмө-жарманкеде жакынкы жана алыскы мамлекеттердин туристтик агенттиктери, пансионаттары, өздөрүнүн кызматтарын сунуштайт. Андан сырткары, туризм тармагындагы инвесторлор, ишкерлер дагы катышат.
Ошондой эле бул иш-чаранын алкагында тегерек столдор өтүп, ал жакта туристтик агенттиктердик өкүлдөрү, инвесторлор, эксперттер кызматташуу маселелерин талкуулашмакчы.
Пикир
Оставить комментарий