Бишкек, 25.07.22. /Кабар/. Ысык-Көлдүн Тамчы айылында унаа окуучу баланы өлтүрө сүзгөн. Бул тууралуу “Кабар” агенттигине Жол кыймылынын коопсуздугун камсыздоо башкы башкармалыгынан билдиришти.
Окуя 23-июлда саат 22.00дөр чамасында орун алган.
Балыкчы-Ананьево-Каракол унаа жолунун 38-чакырымында Бостери айылынын 1984-жылы туулган Т.Н. аттуу тургуну “Тойота Клюгер” үлгүсүндөгү унааны менен бара жатып, капысынан жолго чыга калган жөө жүргүнчүнү сүзүп кеткен. Ал Чүй облусунун Кемин районундагы Кичи-Кемин айылынын 2011-жылы туулган К.Д. аттуу тургуну болгон.
Белгиленгендей, жөө жүргүнчү алган жаракаттарынан улам окуя болгон жерде каза болгон.
Учурда тергөө иштери жүрүүдө.
Пикир
Оставить комментарий