Ысык-Көлдө ВИЧ илдетине чалдыккан балдар үчүн эл аралык лагерь уюштурулат

Бишкек, 11.05.18. /Кабар/. Ысык-Көлдө ВИЧ илдети менен ооруган балдар үчүн эл аралык лагерь уюштурулат. Бул тууралуу Саламаттык сактоо министрлиги билдирет.

“СПИД” республикалык борборунун маалыматы боюнча, 1-майга карата өлкө боюнча 7 миң 666 ВИЧ илдети катталган.

“СПИД” республикалык борборунун директору Улан Кадырбеков билдиргендей, Кыргызстанда дээрлик 600 баладан ВИЧ илдети аныкталган – оң статус боюнча.

“Биз Бириккен улуттар уюмунун балдар фондусунан (ЮНИСЕФ) ВИЧ илдети менен жашаган балдар үчүн эл аралык лагерь уюштуруу идеясын колдонууну суранып, макулдук алдык. Бул лагердин алкагында балдар-дарыгери, балдар менен иш алып бара турган психологдор, социологдор, балдар жана алардын ата-энелерин окутуу боюнча алдын ала келишим түзүлгөн.

Долбоорго Казакстан, Тажикстан, Өзбекстан жана Түркмөнстандан келген дээрлик 170 бала жана Германия, АКШ, Россия, Украинадан келген эл аралык деңгээлдеги 15 машыктуруучу катышат.

Кадырбеков билдиргендей, балдарда күн сайын өз илдетине байланыштуу көптөгөн суроолор пайда болот. Кээде аларга ата-энелери да жооп бере албай калышат.